Легендарниот шпански фудбалер Серхио Рамос (38) ги изненади сите со изборот за нов клуб, откако реши да ја прифати понудата од мексиканскиот Монтереј, со кој потпиша договор во петокот.
Тоа ја изненадило и неговата осум години постара сопруга Пилар Рубио (46), која одлучила дека не сака да се пресели во Мексико и таму да го продолжи животот со својот партнер.
Рубио, која работи како ТВ водителка, одлучи да остане во Шпанија и да го продолжи животот во својата татковина, оставајќи го Серхио сам во Мексико.
Како што објави новинарот на Билд, Хави де Хојос, Пилар оваа одлука ја донела од „професионални“ причини.
„Пилар Рубио нема да се пресели во Мексико со Серхио Рамос. Минатиот петок, близок на Пилар ми кажа дека и е доста од преселба. Таа се пресели со него во Париз, а потоа Рамос замина во Севилја. Подоцна, таа одлучи да замине во Мадрид поради професионални причини. Таа навистина сака да живее таму”, изјави Де Хојос.
Рубио е популарна шпанска новинарка, ТВ презентер и модел. Нејзината одлука да остане во Шпанија би можела да биде поврзана и со фактот дека таа ќе учествува како судија во неделниот натпревар на Антена 3, Ел Десафио и модното реално шоу „Maestros de la Costura Celebrity“.
„Кога Рамос ја донесе оваа одлука, таа рече: „Овој пат нема да попуштам, веќе двапати попуштив. Сега останувам овде, во Мадрид. Семејството останува тука, Серхио оди сам“, изјави новинарот на Билд.
Двојката започна да се забавува во 2012 година, а се венчаа седум години подоцна. Имаат четири деца – Серхио Јуниор, Марко, Алехандро и Максимо Адријано.
Новиот клуб на Рамос Монтереј ќе биде еден од 32-те тима кои ќе учествуваат на Светското клупско првенство на ФИФА летово во САД.
Тие ќе се натпреваруваат во групата Е заедно со Ривер Плата и милански и Интер.