Претседателот на Сојузот на синдикати на Македонија, Слободан Трендафилов, во емисијата „Трилинг“ вели дека во моментов одредени политички играчи се обидуваат да направат упад во Синдикатот, нешто што е недозволиво.
„Упадот се прави со политичка наредба и тоа се пресликува на локално ниво. Нив треба повеќе да ги загрижува што на локално ниво имаат избори за 5 месеци. Се соочуваме со притисоци од политички играчи со цел да помогнат на друг Синдикат кој е против зголемување на платите, кој сака да го укине општиот колективен договор и кој и ветува на Владата дека ќе прифати се што ќе каже таа“, вели Трендафилов.
Трендафилов додаде дека ССМ неколкупати штрајкувал за време на претходната власт и дека актуелната ќе го почувствува незадоволството на локалните избори доколку продолжи со актуелната политика на игнорирање на синдикалните барања.