Кризата на автомобилската индустрија стигна и до Полска. Отпуштања во следната година предвидуваат 32 отсто од тамошните автомобилски компании, што е осум пати повеќе отколку што имало такви предвидувања за оваа година, се вели во извештајот на „Мотобарометар“ 2024 година.
Според полското здружение на дистрибутери и производители на автоделови, индустријата за автоделови во ЕУ во последните пет години отворила само 55.000 нови работни места, додека од друга страна, во таа индустрија се елиминирани 118.000 работни места, пренесе агенцијата ПАП.
Во 2023 година, пет од 11 анализирани земји изразија оптимизам за нови работни места во производството на автомобилски делови, во 2022 година, на пример, седум. Оваа година нема таква компанија.
Влошувањето на намерите за вработување во индустријата е последица и на автоматизацијата на производството. 73 проценти од фирмите во индустријата веќе воведоа роботизација.
Во истражувањето учествуваа 1001 компанија од 11 земји: Белгија, Германија, Франција, Турција, Шпанија, Романија, Полска, Унгарија, Чешка, Словачка и Португалија.