Американскиот фудбалски играч Тревис Келче откри кога точно започнала неговата романса со пејачката Тејлор Свифт.
Келче во спортското талк-шоу The Pat McAfee Show откри дека тој и популарната пејачка се запознале неколку недели пред таа да се појави на неговата игра во септември минатата година. „Тогаш се познававме речиси еден месец“, изјави американскиот фудбалер. Само три дена претходно ја повикал на натпревар, но таа ја прифатила поканата.
„Сакам кога Тејлор излегува и ме поддржува и ужива во играта со семејството и пријателите. Беше одлична година, човеку. Знаеш, беше лудо. Не можев да го предвидам ова“, рече Келче.
Тој претходно откри дека планирал на пејачката да и подари пријателска нараквица со неговиот број на нејзиниот настап во Канзас Сити. „Бев разочаран што не зборува пред или по нејзините настапи, бидејќи мора да го зачува гласот за 44-те песни што ги пее. Бев малку огорчен што не успеав да и дадам една од нараквиците што ги направив неа“, му рече тој на својот брат на нивниот поткаст New Heights.