Кинеската војска во вторникот предупреди на непосредна опасност од пукање на брана во центарот на земјата под притисок на обилните дождови кои веќе однесоа животи на најмалку три лица.
Регионалната команда на Народната ослободителна армија соопшти дека се создала пукнатина од 20 метри на браната Јихетан во Луојанг, град со околу седум милиони жители во регионот Хенан.
„Браната може да попушти во секое време“, предупредила војската.
Таа испратила трупи до браната во итна акција, која вклучува минирање и пренасочување на протокот на вода.
Во Женгжу, огромна метропола лоцирана на околу 700 километри југозападно од Пекинг, од вторникот е во сила црвено, највисоко ниво на предупредување за невреме во Кина.
Државната телевизија CCTV емитуваше снимки од улици поплавени, при што дошло во лизгање на земјиштетот и жители во вода до колена додека ги туркаат своите возила по надојдените патишта.
Метеоролошките служби во Женгжу соопштија дека се работи за најобилни врнежи од дожд за еден ден од почетокот на мерењата пред 60 години.
Фото: Zheng Bin