10
Три сомнителни дронови се забележани над белгиската воена база „Клајн-Брогел“ во близина на белгискиот град Пер, објави денес белгискиот министер за одбрана Тео Франкен, додавајќи дека не станува збор за обични прелети, туку за јасно дефинирани цели и дека затоа ќе биде на сила зголемена будност.
Според Фламанската радиотелевизија (VRT), обидите за блокирање на сигналите на дроновите не успеале, а полициски хеликоптер бил распореден и за следење на еден од дроновите, но без успех.
Според министерот Франкен, станува збор за дронови што летаат на поголеми височини.