Состојки:
– 450 гр модар патлиџан
– 250 гр презла
– 70 гр брашно
– 30 гр рендан пармезан
– 3 лажици маслиново масло
– 2 јајца
– 1 лажица мешавина од медитерански зачини
– сол и бибер, по желба
Подготовка:
Модрите патлиџани исечете ги на кришки дебели околу еден сантиметар. Добро посолете ги и ставете ги во чиста памучна крпа околу половина час. Солта треба да го извлече вишокот вода од модриот патлиџан.
Загрејте ја рерната на 220 степени и во неа ставете плиток плех.
Во еден сад изматете ги јајцата, во друг ставете брашно, а во третиот презла измешана со медитерански зачини, малку бибер и рендан пармезан.
Вишокот вода од солените парчиња модар патлиџан исцедете го со памучна крпа.
Вака подготвените кришки од модар патлиџан валкајте ги во брашно, јајца, а потоа во смесата со презла. Повторете ја постапката додека не ги потрошите сите состојки.
Внимателно извадете го врелиот плех од рерната и рамномерно прелијте го со три лажици масло.
Парираните модри патлиџани ставете ги во еден слој на подмачканиот плех и вратете ги во рерна.
Печете околу 20 минути додека долниот слој од модриот патлиџан не добие крцкава кафеава кора. Превртете го модриот патлиџан и печете го уште 10 до 20 минути.
Послужете со сос по желба.