Царовска на средба со компании и стручни училишта во источна Македонија за проектот „Учи паметно работи стручно“

Работна и консултативна средба, денес Министерката за образование и наука, Мила Царовска, ќе оствари со претставници од компаниите, локалните самоуправи и средните стручни училишта од Кочани, Виница, Берово, Делчево, Пехчево и Македонска Каменица.

Средбите ќе се одржат во Кочани и во Берово, а се дел од процесот „Учи паметно, работи стручно“, чија основна цел е да се идентификува потребата од отворање на одредени профили и паралеки, во средните стручни училишта во градовите низ државата од идната година.