Светлана Цеца Ражнатовиќ сега е надалеку позната фолк пејачка со манири на вистинска дама. Сепак, се омажи за Жељко Ражнатовиќ Аркан кога беше многу млада, па признава дека нејзиниот сопруг всушност ја направил каква што е сега, објави „Србија24“.
Таа навела дека токму тој ја научил на сѐ, како да се однесува и да биде дама, а еве како тоа изгледа од сегашен агол на Цеца:
„Се сеќавам на сите негови совети, а ги имаше многу. Ме научи како да го држам телото, како да ја држам чашата… Бев многу млада кога го запознав, мислев дека го испив целиот ум на овој свет, но исто така бев одличен ученик. Сакав да учам и слушам. Јас сум остварена жена, немам проблем со егото и суетата, затоа и можам да го кажам сето ова“, искрена е пејачката.
На прашањето дали е вистина дека Аркан ѝ сугерирал како да се однесува на сцена и какви модни комбинации да носи на настапите, Цеца одговара:
„Вистината е. Ме обожаваше и ме научи на сѐ“, рече кратко Цеца.
Запрашана да оцени кој повеќе личи на Аркан: дали Анастасија или Вељко, пејачката вели:
„Го зедоа она најдоброто од него и од мене, а времето ќе покаже што кај кого ќе доминира повеќе“, заклучи Цеца.