Бомбаш-самоубиец се разнесе себе си и своето бебе за време на операциите против исламските екстремисти во планинскиот регион Тунис.

Во акцијата во близина на алжирската граница, туниските сили следеа екстремистичка група и убија еден осомничен, чија сопруга потоа се самоуби активирајќи појас со експлозив, се вели во соопштението на туниската полиција, пренесува Ал Арабија.

Бебето во раце исто така починало, додека постарата ќерка, која била на местото на настанот, преживеала, соопшти Министерството за полиција.

Властите истакнаа дека ова е првпат да се забележи присуство на жена меѓу екстремистите кои се засолнија во таа област.

Исто така, туниските сили во втората операција убија двајца екстремисти на локалниот огранок на Исламската држава, се наведува во соопштението.

Пред шест години припадниците на Исламската држава во Тунис убија 39 туристи на плажата во градот Сус.