Турција издаде предупредување за екстремна топлина: 45 степени следната недела

Метеоролозите во Турција издадоа предупредување за екстремна топлина за југоистокот на земјата, каде што се очекува температурите да достигнат 45 степени следната недела.

Според најновата прогноза од Генералниот директорат за метеорологија (MGM), максимална температура од 45 степени Целзиусови се очекува во Дијарбакир, 43 степени во Газиантеп, а екстремна топлина ќе ги погоди и западните провинции почнувајќи од среда, објави Сабах.

Температурите низ Турција остануваат над сезонските норми, особено во јужните и источните региони, а се очекува целата земја да биде погодена од топлотен бран до крајот на неделата.