Турскиот милионер Акун Иликали наскоро ќе го комплетира преземањето на Марибор, трофејниот словенечки фудбалски клуб.
Ова го објави во програмата „Под пречком“ на словенечкиот Спортк Клуб
„Ги почитувам и другите клубови, Мура е успешен, Олимпија е познато име во Европа, но и Марибор“, рече тој и потоа додаде:
„На крајот треба да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Беше многу важно за мене дека има аеродром во близина затоа што цело време патувам. Мал аеродром, за да можам да доаѓам и да си одам без мака, луд сум по фудбал и сакам да гледам што повеќе натпревари.
Така Марибор за прв пат во својата историја ќе има странски инвеститор.
Овој словенечки клуб 16 пати беше шампион на Словенија, освои девет купови и четири Суперкупа на Словенија, а три пати играше во групната фаза од Лигата на шампионите.
Сезонава не им оди баш најдобро, и се само третопласирани зад Целје и Олимпија.
Иликали веќе е сопственик на англиски Хал, а претходно раководеше со холандската Фортуна Ситард и со ирскиот Шелбурн. Сопственик е на ТВ каналите ТВ8 и ТВ8.5, како и на турската дигитална платформа „Ексен“. Од 2018 до 2021 година беше на листата на 500 највлијателни бизнисмени во медиумскиот и забавниот сектор, по избор на магазинот „Варајети“.