16
Турското Министерство за надворешни работи денес ги негираше информациите што се појавија на социјалните мрежи за наводното убиство на турскиот министер за надворешни работи Хакан Фидан и ранувањето на неговите обезбедувачи.
„Тврдењата дека министерот за надворешни работи Хакан Фидан е убиен и дека двајца од неговите телохранители се повредени за време на утринско џогирање се лажни“, соопшти турското министерство, според Туркхабер.
Во соопштението се вели дека овие тврдења се „целосно неосновани“ и се повикува јавноста да не верува во ваквите шпекулации.