Турција и Русија може да преминат кон бартер во меѓусебната трговија, изјави Изет Екмекчибаши, претседател на Турско-рускиот деловен совет при Советот за надворешни економски односи на Република Турција, за весникот „Dunya“.
Според Емекчибаши, се разговара и за опцијата за размена и за опцијата за плаќање во домашна валута, која досега се користела во некои случаи.
„Всушност, трговијата со Русија во локална валута веќе се одвиваше, но обемот беше многу мал. За да го зголемат тој обем, двете земји треба да ги зголемат меѓусебните реципрочни гаранции“, рече тој, додавајќи дека Турција и Русија работат на проблемот.
„Ако се даде гаранција од 5 милијарди долари, на пример, тогаш ќе можеме да извеземе стоки во вредност од 5 милијарди долари во турски лири“, објасни тој.
Според него, методот на размена се применувал во трговијата кон крајот на 80-тите години на минатиот век и имало успешни практики.
„Се работи и на оваа опција“, рече Екмекчибаши.