Турција вакцинираше близу милион луѓе за еден ден

Министерот за здравство Фахретин Коча во саботата на Твитер изјави дека 997 000 лица биле вакцинирани во петокот, повикувајќи ги жителите да не ризикуваат да ја одложат вакцинацијата, туку да се вакцинираат што е можно побрзо.

Во јануари започна кампања за имунизација во Турција и оттогаш вакцинирани се над 46,55 милиони луѓе, вклучително и 14,78 милиони кои ја примија втората доза.

Во Турција, која има околу 84 милиони жители, заразени се околу 5,39 милиони луѓе, а 49,773 лица починаа како резултат на инфекцијата. Закрепнаа повеќе од 5,26 милиони луѓе.