Туск: Подготвени сме во секој момент да ја преземеме власта во Полска

Лидерот на опозициската либерална Граѓанска коалиција (КО) Доналд Туск денеска изјави дека демократските партии се подготвени да ја преземат власта во Полска во секој момент и го повика претседателот Анджеј Дуда брзо да донесе одлуки.

„Луѓето ги чекаат првите одлуки кои ќе бидат резултат на овие избори, затоа би го замолил претседателот за енергични и брзи одлуки. Демократските партии победија, тие се во постојан контакт и тие се подготвени да ја преземат власта во секој момент“, вели Туск на видеото објавено на социјалните мрежи, пренесува агенцијата ПАП.

Тој посочи дека претседателот на државата, според Уставот, е одговорен за процесот на трансфер на власта.