Полскиот премиер Доналд Туск изјави во понеделник дека Русија се обидува да ги подели Полска и Украина пред мировните преговори, по реакцијата во полската јавност поради човек кој мавташе со украинско националистичко знаме на концерт во Варшава, објави Ројтерс.
Туск на состанокот на кабинетот изјави дека Полјаците и Украинците не смеат да си дозволат да бидат поделени пред состанокот меѓу американскиот претседател Доналд Трамп и рускиот претседател Владимир Путин, закажан за петок.
„Навистина е фундаментално од гледна точка на полската безбедност Путин да не добива подароци пред овие разговори, а таков подарок за Путин несомнено би бил конфликт меѓу Украинците и Полјаците. Токму тоа е целта на руските агенти и руските акции во Полска“, рече Туск.