Двајцата главни посочени за аферата Маѓар Телеком, Али Ахмети и Владо Бучковски одржале состанок кој што не бил најавен за медиумите, а се одржел во ресторан во близина на Тетово, објави ТВ Шења.
Бучковски за Тв Шења ја потврдил средбата, велејќи дека со лидерот на ДУИ биле на пријателска кафе средба. Тој негирал дека разговарале за аферата Маѓар Телеком, иако и Ахмети и Бучковски беа главните во сведочењето на Слободан Богоевски во американскиот суд, каде лидерот на ДУИ и екс премиерот на СДСМ беа обвинети за поткуп.
Екипата на Тв Шења пристигнала на местото само неколку минути откако Ахмети и Бучковски го напуштиле истото. Очевидците кои ја информирале ТВ Шења, како и оние кои присуствуваа на местото на настанот, изјавиле дека средбата не траела повеќе од 30 минути, а при разговорот се пиело само кафе.
Средбата официјално за ТВ Шења ја потврдил Владо Бучковски. Иако и двајцата се озборувани како главни осомничени во аферата Маџар Телеком, Бучковски негирал дека разговарале на оваа тема. Иако моментално нема никаква позиција и веќе одреден период не е политички активен, Бучковски рече дека со Ахмети разговарале за последните политички случувања како и за предвремените парламентарни избори.
Инаку, на сведочењето објавено од судот во Њу Јорк, поранешниот шеф на македонски ДСК, Слободан Богоевски, изјави дека грчкиот тајкун Кондаминас, освен екс премиерот Владо Бучковски, 5 милиони евра, преку посредник во Тетово, им дал и на Али Ахмети и на Муса Џафери. Се вели дека поткупот се случил за време на владеењето на СДСМ ДУИ, кога премиер беше самиот Бучковски.