Министерството за внатрешни работи потврди дека е уапсен Раде Трајковски Штекли. Тој бил уапсен во близина на хотел во Гевгелија, при обид за бегство.
Штекли се сомничи за трговија на дрога. Предводел група од над десетина члена кои се занимавале со продажба на наркотични средства. МВР и Бирото за јавна безбедност се во потрага и апсење на целата негова група.
Оваа акција на МВР следува по сузбивањето на арачиновската група Беланоца.
Штекли е познат по пресметките со нарко картелите. Тој се поврзува со низа кривични дела, во август и во октомври 2023 година избегна два обиди за убиство на иста локација – во Ист Гејт Мол во Скопје.
Тој на полицијата и е познат уште од 2011 година кога беше уапсен во Грција како осомничен во Италија за местење на фудбалски натпревари. Трајковски тогаш беше екстрадиран во Италија каде имаше и судење за случајот.