Гренланд не е меѓу најпопуларните и блиски дестинации до кои може да отпатувате дури и само за неколку дена. Зелената земја , како што некои ја нарекуваат, се наоѓа меѓу Арктичкиот Океан и Атлантскиот океан . Островската земја е едно од најпознатите ретко населените места во светот , но пак во секој агол, таа носи свој специфичен шарм.
Гренланд заслужува да биде виден и ако некогаш, поради некоја причина наидете на нејзина територија, ќе се уверите во тоа. Особено остава впечаток најживописниот мал остров Уманак, кој припаѓа на општината Qaasuitsup . Тој се наоѓа во северозападниот дел на земјата и е оддалечен на 590 километри северно од арктичкиот круг.
Речиси половина од територијата на островот Уманак е окупирана од планината, со истото име . Всушност името на планината доаѓа од обликот на срце на еден од врвовите. Таа е вистинска атракција за Гренланд и магнет за ретките туристи, кои одлучиле да го посетат овој далечен остров.
Фото: wikipedia.org
Островот Уманак е дом на еден од најпознатите северни градови во Гренланд. Таму сонцето не заоѓа во текот на речиси три месеци во текот на летото, а во зима настапува темнина. Градот има население од 1.200 лица и се наоѓа во јужниот крај на островот. Неговото население се состои претежно од рибари и ловци.
