Убиле бремена жена и 6 деца за да „избркаат зли духови“: Членови на секта во Панама осудени на 50 години затвор

Судот во Панама осудил на максимална казна од 50 години затвор седум членови на секта, кои убиле бремена жена и шест деца во ритуал на „егзорцизам“.

Претходно, уште двајца членови на сектата „Нова божја светлина“ беа осудени на по 47 години затвор, јавува ABC News.

На 13 јануари 2020 година, тие поканиле голем број селани во нивната импровизирана црква, а според властите, ги тепале со палки и мачети, додека некои биле принудени да се соблечат и да одат по жар.