Убиството на рускиот опозициски лидер Борис Немцов е чинело 15 милиони рубљи (околу 177 000 евра). Ова го соопшти рускиот весник “Новаја газета”.

Изданието објавува дел од истрага во пресрет на првата годишнина од убиството на Немцов. Тој беше застрелан на Големиот Москворецки мост крај ѕидовите на Кремљ вечерта на 27 февруари 2015 година.

За ликвидирањето на Немцов имало тендер, тврди весникот. Имало и список во кој биле содржани уште тројца истакнати опозиционери. Тие биле прогонуваниот олигарх Михаил Ходорковски и новинарите Алексеј Венедиктов и Ксенија Собчак.

Претседателот Владимир Путин знаел кои се извршителите на убиството уште на 2 март, или два дена подоцна, пишува уште “Новаја газета”, цитирана од ClubZ.

Тој ги добил потребните информации од Александар Бортников – шефот на федералната служба за безбедност (ФСБ). Високиот полицаец го информирала претседателот дека џелатите се група Чеченци од баталјонот “Север” на Внатрешните сили кон руското МВР. Тие најверојатно биле предводени од заменик-командантот на баталјонот Руслан Геремеев.

Америка не се помирува со руските успеси

По три дена – на 5 март, уапсени се Заур Дадаев, браќата Анзор и Шадид Губашеви, Тамерлан Ескерханов и Хамза Бахаев. А Беслан Шаванов е убиен при неговото апсење.

Брзината на откривањето најверојатно било стимулирано од два моменти – прашањето на Путин: “Кој се осмелува?” и вмешувањето конечно на агентура меѓу раководствата на Чеченската република, смета весникот.

Официјалното руската истрага го посочи како организатор и нарачател на убиството Чеченецот Руслан Мухудинов, поранешен борец од “Север”. Споменатиот Геремеев не бил испрашуван од истражителите и не се поврзува со нив. Истовремено по завршувањето на истрагата Геремеев се почесто почна да се појавува јавно во Чеченија и да дискутира за егзекуцијата на Немцов со роднини и пријатели.

Руските опозициски лидери повеќе пати изјавувале дека директен нарачател на убиството е прорускиот чеченски лидер Рамзан Кадиров. Тој воопшто не бил сослушуван.