Украина идентификувала дел од руските војници одговорни за злосторствата во Буча

Ирина Венедиктова, главниот државен обвинител на Украина, рече дека се идентификувани 10 лица за кои нејзиниот тим верува дека биле вклучени во злосторствата во Буча.

Таа тврди дека идентификуваните руски војници земале невооружени цивили како заложници, ги лишиле од храна и вода и ги малтретирале и мачеле.

Во еден случај, според Венедиктова, руски војници влегле во дом во кој се криеле цивили и им се заканувале со оружје и ги тепале со пушки.