Украина загуби до 600 милијарди долари како резултат на руската инвазија, со 92 милијарди долари штета на нејзината инфраструктура, според студијата објавена од Киевската школа за економија во вторникот, додавајќи на првичните проценки на претседателот Владимир Зеленски дека Украина изгубила повеќе од половина трилион долари од избувнувањето на војната.
Вкупните економски загуби од војната се движат од 564 до 600 милијарди долари од почетокот на војната во февруари, проценуваат истражувачите, пренесува „Форбс“.
Истражувачите ја процениле бројката со собирање на директни инфраструктурни трошоци користејќи информации обезбедени од граѓаните, владините агенции и локалните власти, како и индиректните трошоци како што се падот на БДП, трошоците за социјална поддршка и загубите од инвестициите.
Најмалку 195 фабрики и бизниси, 230 здравствени установи и 940 образовни објекти се оштетени, уништени или конфискувани, се вели во извештајот, како дел од училишниот проект „Русија ќе плати“, чија цел е да ги документира трошоците за руската инвазија.
Станбените згради и патишта претставуваат најголем износ од штетите во инфраструктурата со загуби од скоро 60 милиони американски долари, со оштетени или уништени патишта од 23.800 километри.
Штетата на украинскиот деловен имот изнесува речиси 10 милијарди долари, покажа истражувањето.