Украина: Непријателот окупираше 95% од територијата на Луганск

Шефот на регионалната воена управа на Луганск, Сергеј Гајдај, изјави дека „непријателот окупирал 95% од територијата на регионот Луганск“.

Тој на Телеграм наведе дека ситуацијата во Донбас е „исклучително лоша“.

„95% од територијата на регионот Луганск е окупирана. Ситуацијата во Донбас е исклучително лоша. Луганск продолжува да задржува орда што ги уништува нашите локации. Гранатирањето не престанува“, напиша Гајдај.

Според податоците на Гајдај, Северодонецк не е опколен, до 15.000 жители остануваат во градот и селата, а вкупно повеќе од 40.000 луѓе во областа Луганск под контрола на Украина, од кои 99 отсто не сакаат да заминат, пренесува Укринформ.

Фото: Крыминформ