Украина официјално поднесе барање за членство во НАТО, пренесува АФП.
Претседателот на Украина Володимир Зеленски изјави дека Украина е де факто дел од НАТО алијансата.
– Денеска Украина аплицира тоа да биде де јуре… Го правиме нашиот одлучувачки чекор потпишувајќи ја апликацијата на Украина за забрзан пристап во НАТО – истакна Зеленски.
Украинскиот претседател Володимир Зеленски изјави дека е „подготвен за дијалог“ со Русија, но дека тоа ќе биде „невозможно“ под водство на актуелниот претседател Владимир Путин.
„Украина беше и останува лидер во преговарачките напори. Нашата земја беше таа која секогаш ѝ нудеше на Русија да постигне договор за соживот под еднакви, фер, пристојни и фер услови“, рече Зеленски во видео-обраќањето, пренесе Гардијан.