Украина: Путин ќе нападне и земји од НАТО

Советникот на претседателот на Украина, Сергеј Лешченко е убеден дека Русија ќе ги нападне и земјите членки на НАТО.

„Путин ќе ги нападне земјите од НАТО за да покаже дека глобалните институции се слаби. Полска и другите соседи треба да бидат предупредени за она што се случува во Украина“, рече Лешченко во изјава за виенскиот дневен весник „Prese“.

Советникот на Зеленски смета дека целта на претседателот на Русија не е само да ја избрише Украина од мапата, туку и да го уништи глобалниот поредок.