254
Украинското министерство за обнова денеска соопшти дека Русија практично престанала да го применува Договорот за извоз на жито преку Црното Море со тоа што одбива да ги регистрира бродовите кои доаѓаат.
„Руската Федерација уште еднаш практично ја запре Иницијативата за жито со одбивање да ги регистрира влезните бродови и да изврши свои инспекции. Овој пристап е спротивен на сегашниот договор“, соопшти Министерството, пренесе „Ројтерс“.
Русија претходно посочи дека нема да дозволи продолжување на Договорот за житарки, кој истекува на 18 мај, а како причина го наведе тоа што рускиот дел од договорот за извоз на руски жита и вештачки ѓубрива не е исполнет.