Вкупните загуби на Русија во војната против Украина надминаа 25.000 војници, соопшти денеска Генералштабот на вооружените сили на Украина.
Според украинскиот Генералштаб, уништени се 1.122 тенкови, 2.713 оклопни борбени возила, 509 артилериски системи и 84 системи за противвоздушна одбрана, пренесува „Украинска правда“.
Уште 50 луѓе се евакуирани од опколената фабрика за челик Азовстал во Мариупол, соопшти денеска Штабот за територијална одбрана на самопрогласената Народна Република Доњецк (ДНР), а украинскиот претседател Владимир Зеленски рече дека се во тек дипломатски напори за спасување на преостанатите борци под опсада во фабриката.
Според агенцијата Интерфакс, околу 50 лица се евакуирани во прифатниот центар кај местото Безимене на територијата на ДНР.