Серија напади со дронови врз цели во Русија и на Крим извршиле украинските сили во текот на ноќта, известија руските медиуми.
Меѓу нападнатите места е и рускиот град Ижевск, кој се наоѓа на 1.300 километри од украинската граница.
Жителите на Ижевск пријавиле експлозии рано утрово, а локалните власти потврдиле напад од дрон врз еден објект во градот, односно на фабрика. Руската агенција за цивилно воздухопловство привремено ги откажа летовите од и до аеродромот во Ижевск.
💥 What a loaded morning! Russian city Izhevsk was hit by drones — air defense scored a clean 0%
Udmurtia’s governor Brechalov claimed that one of the city’s enterprises was attacked by drones “from the Kyiv regime” (🤭).
🏭 Reportedly, the target was the Izhevsk… pic.twitter.com/oIlu8dFJ4n
— NEXTA (@nexta_tv) July 1, 2025
Руското министерство за одбрана соопшти дека во текот на ноќта нивната противвоздушна одбрана соборила 60 украински дронови во неколку региони. Од нив 17 се соборени во Крим, 16 во Ростовската област, 11 над Азовското Море, а останатите во Курската, Саратовската, Белгородската, Вороњешката и Орјолската област.
На Крим, според написи на локални канали на Телеграм, имало експлозии кај Курортноје, каде наводно има руски системи за противвоздушна одбрана С-300 и С-400 и радарска станица, но и во градовите Керч и Феодосија.
Украина официјално не презеде одговорност за нападите.