158
Воздухопловните сили на Украина соопштија дека собориле 15 руски дронови Шахед од иранско производство за време на ноќниот напад.
„Руските сили нападнаа од север со беспилотни летала Шахед-136/131. Вкупно 17 беспилотни летала беа лансирани од областа Курск“, објавија украинските сили на Телеграм.
Се додава дека воздушната одбрана е активирана во северните, како и во централните и западните региони.
Двете страни во конфликтот неодамна пријавија упад на беспилотни летала од воздух и море, додека Украина води контраофанзива чија цел е да ја врати територијата што ја окупираше Русија.