Украинското Министерство за надворешни работи сподели фотографии од две девојчиња кои биле убиени во Мариупол.
Од таму соопштија дека станува збор за младите актерки, Елизавет и Соња, кои глумеле во театарот во Мариупол.
Adviser to the Mayor of #Mariupol Petro Andriushchenko: “Two girls died in Mariupol, two little actresses Yelyzaveta and Sonia. Both of them played Lucy in the play “The Chronicles of Narnia: The Lion, the Witch and the Wardrobe” in the Mariupol Theater.”#ArmUkraineNow pic.twitter.com/L2HHVmQEGy
— MFA of Ukraine 🇺🇦 (@MFA_Ukraine) April 23, 2022
Театарот бил користен како засолниште за цивили, а потоа бил уништен во нападот. Не е јасно како се убиени девојчињата, пишува хрватски „Индекс“.
Украинските власти претходно денеска соопштија дека планираат евакуација на цивили од Мариупол, кој се очекува во следните денови целосно да падне во рацете на Русија, но се чини дека обидот за евакуација не успеал. Заменик-градоначалник на Мариупол ги обвини руските сили, велејќи дека 200 жители се собрале за да бидат евакуирани, но руската војска им кажала дека може да има гранатирање.
Русија и Украина се обвинуваат меѓусебно за голем број неуспешни обиди да им помогнат на цивилите да дојдат на безбедно. Претходно оваа недела, Русија тврдеше дека го „ослободила Мариупол“, иако украинските војници се уште се во комплексот на фабриката за челик Азовстал.