40
Украинското воено воздухопловство синоќа за првпат во одбрана на украинското небо употреби француски борбени авиони Мираж 2000, кои пред еден месец пристигнаа во Украина.
Украинската војска соопшти дека во текот на ноќта соборила 34 руски ракети и 100 беспилотни летала, од кои повеќето биле насочени кон енергетски и гасни објекти.
Францускиот претседател Емануел Макрон во јуни минатата година вети дека украинските пилоти ќе бидат обучени за Мираж 2000, што беше важен придонес во воената помош за Украина.
„Украинските пилоти кои веќе неколку месеци тренираат во Франција, сега ќе го бранат небото над Украина“, најави тогаш францускиот министер за одбрана Себастиен Лекорну.