Ванда Семјонова Обиедкова, 91-годишна Украинка која го преживеала Холокаустот, криејќи се во подрум во Мариупол, починала 81 година подоцна додека се криела од Русите во подрум во истиот град.
Веста за нејзината смрт ја објави Меморијалот на Аушвиц на Твитер, пишувајќи дека Објиедкова починала 81 година откако ја преживеала германската окупација на Мариупол за време на Втората светска војна.
At 10 years old, Vanda Semyonovna Obiedkova survived the Germans by hiding in a basement in Mariupol.
81 years later, she died in a basement in the same city as a victim of the horrific war hiding from the Russians.Read more: https://t.co/6QPx6vahFh pic.twitter.com/TyjiyfK09A
— Auschwitz Memorial (@AuschwitzMuseum) April 19, 2022
„Ванда Семјоновна Обиедкова на 10 години ги преживеа Германците криејќи се во подрум во Мариупол. 81 година подоцна, таа почина во подрум во истиот град како жртва на страшната војна, криејќи се од Русите“, напишаа од Меморијалот на Аушвиц.
Еврејската организација „Chabad.org“ на својата веб-страница напиша дека Обиедкова починала на 4 април, но дека веста за нејзината смрт вчера ја споделила нејзината ќерка „штом пристигнала на безбеднa локација“.
Според нејзината ќерка, жената починала „смрзнувајќи се во подрумот и молејќи се за вода“.
Обиедкова имаше 10 години кога Германците го окупираа Мариупол и убија илјадници Евреи во еден ден, вклучувајќи ја и нејзината мајка, пишуваат од „Chabad.org“ и додаваат:
„Таа преживеа во подрумот во тоа време, а умре во подрум во истиот град 81 година подоцна“.