Лесја Васиљенко, пратеничка во парламентот на Украина, на Твитер објави фотографии на кои се гледа дека на нив се гледаат масовни гробници во градот Чернихив. Таа тврди дека во тој град биле убиени 700 луѓе.
Да потсетиме, денеска форензичарите почнаа со ексхумација на масовни гробници во Буча, град недалеку од Киев.
„Масовни гробници во Чернихив. 700 убиени. Се чини дека секое откритие е полошо од претходното“, напиша Васиљенко на Твитер.
Mass graves in #Chernihiv. 700 killed. Seems like each discovery is worse than the previous one pic.twitter.com/49qRj5VSX5
— Lesia Vasylenko (@lesiavasylenko) April 8, 2022
Минатиот месец градоначалникот на Чернихив Владислав Атрошенко објави дека жителите на градот останале без струја, греење и вода кога градот бил опколен од руските сили.