215
Украинската контраофанзива целосно пропадна, изјави денеска рускиот претседател Владимир Путин.
„Што се однесува до контраофанзивата, која наводно е во мирување, таа целосно пропадна“, изјави Путин за телевизијата „Русија 1“, пренесува РИА Новости.
Тој додаде дека во одредени области каде што се водат борбени операции, украинската страна подготвува нови офанзивни операции.
Според него, она што сега се случува по целата линија на контакт се нарекува „активна одбрана“.
„Нашите војници ги подобруваат своите позиции практично во целата област“, нагласи Путин, истакнувајќи дека тоа се однесува на правците Купјан, Запорожје и Авдеевск.