Украинската пејачка Руслана Лижичко, која победи на Евровизија во 2004 година, уште еднаш им се обрати на своите следбеници на социјалните мрежи во врска со конфликтот во Украина.
Таа на Инстаграм сподели кратко видео во кое му се обраќа на американскиот претседател Џо Бајден, како и на генералниот секретар на НАТО Јенс Столтенберг.
„Како амбасадор на мојата земја, како победник на Евровизија, сега зборувам во името на целиот мој народ. Бараме од претседателот Џо Бајден и од генералниот секретар на НАТО Јенс Столтенберг да го заштитат нашето небо. Украинската армија ќе ја заштити Европа ако вие не заштитите нас. Донесете одлука за безбедноста на целиот свет“, рече Руслана.
„Ние Украинците никогаш нема да се откажеме. Сите сме во опасност, не само Украинците. Знаете ли што значи тоа? Не разбирам зошто руската и белоруската армија не напаѓаат? Мора да разберете дека Путин е многу опасен терорист за сите луѓе во светот. Реагирајте пред да биде доцна“, додаде таа.
View this post on Instagram
Во ноември 2020 година, Руслана му изрази поддршка на Џо Бајден по неговата победа на претседателските избори.
„Имав чест да се сретнам со Џо Бајден. Бев импресионирана од неговата љубезност и начин на размислување. Нè обединуваат заедничките вредности и демократската визија за иднината. Верувам во успехот на неговите идеи за САД и му честитам на победата“, напиша тогаш таа покрај заедничката фотографија.
I had the honour to meet @JoeBiden in the spring of 2014.
I have been impressed with his friendliness and the way of his thinking.
Shared values and a democratic vision of the future unite us.
I believe in the success of his ideas for the USA and congratulate him on victory. pic.twitter.com/28qFDqjuK8— Ruslana (@RuslanaOfficial) November 7, 2020
Руслана постигна голема популарност низ Европа со песната „Wild Dance“ со која победи на Евровизија пред 18 години.