38
Украинските сили утринава спречија руски ракетен напад врз Киев, соопштија градските власти, додавајќи дека нема повредени и штета.
„Рано утринава, околу пет часот по локално време, непријателот употреби балистичко оружје во ракетен напад врз Киев“, објавија киевските власти на Телеграм.
Тие додаваат дека многу веројатно се работи за севернокорејски балистички ракети од типот КН-23.
Ракетите биле пресретнати додека се приближувале до Киев и не успеале да стигнат до целта.
Противвоздушната одбрана ги уништи и руските беспилотни летала кои во исто време ја гаѓаа украинската престолнина.