Универзитетот Оксфорд во Велика Британија го прогласи „rizz“ за збор на годината, што според него се должи на популарноста на терминот што генерацијата Z го користи за да ја опише нечија способност да ги привлекува, заведува и шармира другите.
„Rizz“ го освои првото место во потесниот избор заедно со зборот „svifti“, термин кој се однесува на обожавател на пејачката Тејлор Свифт, „situationship“ што се однесува на случајна романтична или сексуална врска и „prompt“ што се однесува на инструкции со кои се управуваат програми за вештачка интелигенција.
„Rizz е колоквијална именка, дефинирана како стил, шарм или способност за привлекување. Етимолошки, се верува дека поимот е скратена форма на зборот харизма, земен од средниот дел на зборот, што е необичен образец за зборообразување. Rizz може да се користи и како глагол и таквите наставки на други делови од говорот покажуваат дека зборот станува се поистакнат во јазикот“, се вели на веб-страницата на Универзитетот Оксфорд.
Победничкиот збор се избира секоја година од експерти кои работат со издавачите на англиски речник на Оксфорд меѓу четворица „финалисти“ избрани од јавноста со гласање.