99
Веројатно секој од нас има слушнато или прочитано многу совети поврзани со тоа дека треба да бидете исклучително внимателни кога поврзувате УСБ уреди на лаптоп или компјутер. Причината е дека така многу лесно можете да добиете вирус, а во моментов има премногу софтверски пропусти во безбедноста, кои можат да ја оштетат сериозно вашата машина. УСБ Килер е името на новиот производ, кој дефинитивно ќе ве натера да обрнете посериозно внимание на овој проблем, велат од СлешГир.
На прв поглед се чини како стандарден УСБ флеш драјв, но е дизајниран за да го уништи вашиот лаптоп или персонален компјутер. Идејата на креаторот е откако ќе го поврзете, уредот да испрати електрична енергија со висок напон во УСБ портата и буквално да го изгори хард дискот и другите хардверски компоненти. На овој начин само за неколку секунди, уредот може да нанесе непоправлива штета на компјутерот.
УСБ Килер е одличен пример за тоа колку внимателни треба да бидеме кога поврзуваме непознати уреди на својот уред. Треба да се истакне дека концептот за сличен производ не е нов и хакерите во минатото многу пати користеле слични методи.