Уште еден руски тајкун е пронајден мртов, за кој постои сомневање дека починал откако паднал од прозорец. Околностите на смртта се уште се под истрага. Михаил Рогачев, поранешен потпретседател на руската нафтена компанија Јукос, е пронајден мртов во Москва.
Руски олигарх бил пронајден мртов од шпиони откако паднал од височина од околу 33 метри од прозорецот на неговата куќа во Москва.
На влезот пред зградата го пронашол вработен во руската надворешна разузнавачка служба СВР со повреди карактеристични за пад, јавуваат локалните медиуми. Телевизиските канали објавија дека тој живее на десетти кат и дека се работи за самоубиство, наведувајќи дека боледува од рак и дека оставил порака, која полицијата сега ја истражува. Но, тие наводи остро ги негираа неговите блиски пријатели и роднини, пишува „Дејли Мејли“.
Неговите блиски наведуваат дека нема знаци дека има самоубиство и дека непосредно пред смртта бил „добро расположен“.
Рогачев имаше долга и успешна кариера во некои од водечките компании на постсоветска Русија. Од 1996 до 2007 година, тој имаше неколку менаџерски позиции во различни подружници на „Јукос“, вклучувајќи ја и позицијата генерален директор на Центарот за истражување и развој. Потоа работеше како извршен директор на групата „ОНЕКСИМ“, а беше и шеф на Рускиот фонд за технолошки развој.