Шест малолетници се повредени во Љубушки, Херцеговина, при пад на дел од конструкцијата на рингишпил.
Во моментот на падот на рингишпилот имало неколку лица, претежно деца кои со возило на Брза помош биле пренесени во Здравствениот дом во Љубушки.
„Во несреќата се повредени шест малолетници, а за се е известен и дежурниот обвинител“, изјави за Херцеговина инфо Мила Чавар, портпарол на полицијата на Западна Херцеговина.
Неколку повредени се пренесени во Ургентниот центар на Универзитетската клиничка болница во Мостар.
Се уште нема официјални информации за причините за несреќата, а истрагата е во тек.
Неодамна се случи тешка несреќа во која исто така се урна рингишпил во населбата Пантиќи во Куршумлија, соседна Србија. Тогаш беа повредени 13 деца, од кои едно девојче на возраст од 13 години беше со најтешки повреди.