Успешно евакуирани седум заглавени лица од пожарите во светиниколско Строиманци

Седум лица кои биле заглавени во селото Строиманци, Св. Николе, биле безбедно евакуирани, информираат од ЦУК.

„Седумте лица кои беа заглавени во куќа во с. Строиманци, Св. Николе безбедно се евакуирани откако најпрво полициски халикоптер фрлил вода врз огнениот обрач, направил дупка во огнот низ која брзо влегле пожарникари од доброволното противпожарно друштво од Свети Николе и со возила низ огнениот обрач ги извлекле животно загрозените во оган заробени 7 лица“, велат од ЦУК.

„Голема благодарност до храбрите доброволни пожарникари и храбрите македонски пилоти“, додаваат од ЦУК.