Утре е Томина Недела или Нова Недела, Антипасха, во западното христијанство позната како Бела Недела или Мал Велигден.
Ова е значаен христијански празник кој се прославува во првата недела по Велигден и е посветен на светиот апостол Тома.
Кога Исус Христос се јавил на апостолите, Тома не бил со нив, а кога тие му кажале дека го виделе учителот тој не поверувал и им одговорил: „Дури не ги видам клинците на рацете Негови, и не го ставам прстот свој во раните од клинците, и не ја ставам раката своја во ребрата Негови, нема да поверувам“.
Поради тоа, апостолот Тома е наречен Неверен Тома. По осум дена кога и Тома бил со другите апостоли Христос пак им се јавил при што посебно му се обратил на Тома: „Дај го прстот свој овде и види ги рацете Мои; дај ја раката своја и стави ја во ребрата Мои; и не биди неверлив но верлив!“ На тоа Тома одговорил и рекол: „Господ мој и Бог мој!“ Исус му рече: „Тома, ти поверува, оти ме виде; блажени се оние, кои не виделе, а поверувале“.
Томина недела го означува крајот на Велигденскиот празничен циклус. Кај народот е позната и како Празна недела, бидејќи не се работи, туку се слави. Се верува дека ако на овој ден започнете poмантична вpcка или направите cepиозен чекор кон зближување со партнерот, тоа само ќе биде подобро.
Можете да направите и голема трпеза за да ги соберете драгите луѓе под еден покрив. Во неделата Томина, жените повторно бојадисувале јајца и ги делеле за дyшите на своите пoчинaти caкани, веpyвајќи дека тоа ќе ги заштити од peинкарнација.