Усогласени во своите барања и ставови, под слоганот „Стоп за лошите реформи“, средношколците утре и в четврток организираат три нови марша во Скопје, Прилеп и во Тетово.

Маршот во Скопје се очекува да почне во 12 часот пред Собранието на Република Македонија, а ќе заврши пред министерството за образование и наука.

„Предупредуваме дека какви било притисоци и закани нема да не спречат во намерата да се избориме за нашите права. Нашиот марш нема да покаже страв од учење, туку жед за знаење. За она вистинско знаење што секој од нас го заслужува, пишува во соопштението на пленумците.