Протокот на украинските бегалци кон ЕУ се засилува, но европските земји не брзаат да ги прифатат, се вели во напис во електронското издание на весникот “Њујорк тајмс”, цитирано од агенциите. “Откако на почетокот на минатата година во Украина се разгоре конфликт, протокот на имигранти кои побарале статус на бегалци кон Полска и други европски држави постојано се засилува. Овие земји сепак се претпазливи кон пречекот со отворени раце”, забележува весникот.
“Полска, Германија, Италија и други земји кои се омилена дестинација за Украинците кои се обидуваат да добијат статус на бегалци, најчесто ги отфрлат нивните апликации или го одложуваат процесот на нивното решавање”, наведува весникот. “Земјите кои не сакаат да ги отворат своите граници за можен нов поток бараат мигранти за работа,а наведуваат дека во Украина има огромни територии кои не се погодени од сепаратистичкиот конфликт”.
Според податоците на весникот, властите во ЕУ даваат право на азил на Украинците значително поретко отколку на пристигнатите од други земји со вооружени конфликти. Статус на бегалци добиле 95 отсто од сириските имигранти и 89 отсто од идат од Еритреја. Украинците успевале само во околу 22 проценти од случаите. Сепак тие имале поголем успех од мигрантите од Косово и Србија, кои се насочиле кон ЕУ во 2014 година – прифатени се само 8 отсто од Косоварите и 2 отсто од Србите.
Во Полска, силно хомогена земја со една од најлибералните визни режими во ЕУ и мало искуство во справувањето со бројни имигранти, прашањето се разгледува особено остро. Поради длабоките културни и етнички врски со Западна Украина, земјата е логичен избор за Украинците, поради што се зголемува бројот на Украинците кои бараат работни места, образование и право на постојан престој. Повеќето Украинци во земјата едноставно добиваат виза и може да остане практично неограничено време.
Но за илјадниците кои не можат да добијат виза дури според либералните полски закони, останува само да се кандидираат за статус на бегалци. Нивните шанси не се добри, забележува “Њујорк тајмс”.
Во меѓувреме кардинал Антонио Марија Вељо, претседател на Папскиот совет за пастирска грижа над емигрантите и патници изјави за Ватиканското радио дека системот на квоти за земањето на бегалци меѓу земјите од Европската унија е нехумано, пренесоа агенциите.
“Отсекогаш сум сметал дека досега Европа немаше единствена имиграциона програма. Единствено со што се занимаваат европските земји, е решавање на итните ситуации. А сега овие квоти за прием на бегалци се чинат нехумани и нехристијански”, посочи кардиналот. Според него, проблемот со имигрантите треба комплексна програма, а не од вонредни решенија. “Кои се причините за имиграција? Тоа се сиромаштијата и војната. Додека има сиромаштија и војни, проблемот со имиграцијата ќе станува се поголем”, посочи кардиналот.