Рускиот национален институт за епидемиологија и микробиологија „Гамалеја“ го потврди квалитетот на произведената вакцина во „Торлак“ и го одобри идното производство на вакцината „Спутник V“ на овој српски институт, беше објавено на состанокот што денеска го одржа во Москва српскиот премиер.Ненад Поповиќ и директорот на Институтот Гамалеја, Александар Гинтсбург.
Така Србија ќе стане првата земја во Европа што ќе произведува вакцина „Спутник V“.
Серија за валидација на вакцини од „Торлак“ беа испратени на Институтот Гамалеја на тестирање минатиот месец, потсети Поповиќ, кој е и претседател на Мешаниот комитет за соработка со Русија.
– Институтот „Гамалеја“ потврди дека вакцините произведени во Торлак ги исполнуваат пропишаните стандарди за квалитет. Денес ја добивме таа потврда од нашите руски партнери и добивме одобрение да продолжиме со производството – истакна Поповиќ, а се наведува во соопштението на неговиот кабинет.
Поповиќ исто така рече дека ова е одлична вест за Србија, која повторно ќе стане сила во производството на вакцини.
– Денес како да го имате најмоќното оружје со кое ја заштитувате безбедноста на своите граѓани – посочи министерот.
Тој посочи дека очекува значителна количина на супстанција за производство на двете компоненти на вакцината „Спутник V“ да пристигне во Србија од Русија во следните две недели.