Унгарскиот премиер Виктор Орбан денес изјави дека следната цел на Унгарија е да вакцинира најмалку пет милиони граѓани.
Тој во видео пораката објавена по разговорите со министрите за внатрешни работи и министри за надворешни работи рече дека Унгарија има доволно вакцини и дека успехот зависи од тоа дали граѓаните аплицираат за вакцинација.
„Вакцините спасуваат животи. Не слушајте гласови против вакцините, заштитете се себе си и семејствата“, рече Орбан.
Тој го поздрави фактот дека повеќе од милион граѓани ја примиле вакцината во изминатите две недели, проценувајќи дека тоа е „фантастично достигнување“, пренесува МТИ.
Орбан им се заблагодари на сите доктори, медицински сестри и другиот медицински персонал за придонесот во процесот на имунизација.