Кинескиот министер за надворешни работи Ванг Ји денес во Минхен нагласи дека Кина останува „важен столб на мирот во Азија“, но призна дека постојат „предизвици“.
На Минхенската безбедносна конференција, тој конкретно ја критикуваше јапонската премиерка Санае Такаичи за нејзините коментари за кинескиот регион Тајван, наведувајќи дека тие директно „го кршат територијалниот суверенитет на Кина“ и дека се неприфатливи, објави Гардијан.
Кога станува збор за односите со ЕУ, тој рече дека Кина и ЕУ се „партнери кои не се системски соперници или стратешки конкуренти“ и дека е „многу негативно размислување“ да се гледа Кина како соперник на ЕУ.
Ванг Ји нагласи дека Кина се стреми да биде „сигурна сила за стабилност“ и дека „Кина и Европа се партнери, а не соперници“.