Вашиот изгубен или украден пасош може да најде нов живот во темниот подземен свет на некоја криминална банда или во џебот на терорист кој размислува за напад.

Терористичките мрежи, слично на криминалните организации, често се водат низ целиот свет во својата дејност, а фалсификувани документи се клучевите за отклучување на границите и за тоа некој да не биде откриен. Но фалсификуваните документи не служат само за тероризам. Служат и за фалсификување на избори. Во овие моменти на политичка криза во Македонија постоја низа обвиненија од СЈО и ОЈО за фалсификување лични карти и патни исправи. За криминалците ширум светот постојат само пари, но не и граници…

Борбата со лажен идентитет сега е главен приоритет во безбедноста. Францускиот министер за внатрешни работи инсистира за акција во цела Европа, а Интерпол повикува на построга контрола на документите, како и предупредува дека во светот има 38 милиони изгубени или украдени пасоши кои се подготвени за фалсификување.

Лажениот идентитет ја отежнува задачата на истражителите кои се обидуваат да разплетат комплицирана и разгранета мрежа на луѓе кои ги извршиле неодамнешните напади во Париз и Брисел. Многу од напаѓачите користеле лажни идентитети.

Обвинителството на Хашкиот трибунал ќе ја обжали ослободителната пресуда на Шешељ

Инспекторите ги открија патните исправи на Наџи Лашрауи, откако тој ги направил бомбите користени во крвавата бања во Париз, но не можеа да го сопрат, пред да се разнесе на аеродромот во Брисел четири месеци подоцна, бидејќи го познавале само од лажниот белгиски пасош под името Суфијан Калјал

Отвореното во бриселска предградие дувло на фалсификатори го покажува степенот на криминалната активност и тешкотијата за откривање : во неа имаше околу 1.000 дигитални слики кои се користат за изработка на фалсификувани документи. Недели откако властите го претресоа местото во октомври, три луѓе, поврзани со овие документи, се вклучиле во нападите во Париз. Тоа се случи четири месеци пред во Италија да биде уапсен главниот од фалсификаторите, кој поминал неколку европски граници.

“Главниот елемент во тајноста на организациите е поседување на фалсификувани пасоши и фалсификувани документи за лична идентификација. Тоа е апсолутно неопходно”, изјави пензионираниот судија за борба против тероризмот и поранешен главен истражител за борба против тероризмот во Франција Жан-Луј Брјугиер.

Подземниот свет на фалсификаторите на документи нуди многу можности за наоѓање на нов идентитет – од операции од индустриски размер до луѓе, специјализирани во оваа активност кои работат од дома со лесно набавување и сé пософистицирани опрема. Нов учесник во овој бизнис е групата “Исламска држава” во Сирија и Ирак, за која се вели дека има ограбено илјади меморандуми за пасоши и опрема во преземени од неа градови.

Францускиот министер за внатрешни работи Бернар Казноов инсистира европските партнери да сторат повеќе за борбата против “Исламска држава”, која според него има создадено “структура, за производство на фалсификувани документи”.

Оваа организација ја презеде одговорноста за нападите во ноември, во кои беа убиени 130 лица, кои се забавувале во петокот вечерта во Париз, и за нападите во март на аеродромот и метро станица во Брисел, при што загинаа 32 лица.

Идентитетот на двајца од атентаторите самоубијци на националниот стадион во Франција се уште не е утврден, а се исклучуваат нивните лажни сириски пасоши. Еден од овие пасоши бил вклучен од меѓународната полициска служба Интерпол во листа на украдени пасошки меморандуми.

На почетокот на годината Германија престана да признава пасоши издадени на територија контролирана од групата “Исламска држава” во Сирија и Ирак.

Белгиските власти претресоа фалсификаторска работилница во бриселскиот предградие “Сен Жил” во октомври, но издадоа потерница за осомничениот фалсификатор Џамал ​​ад Дин Вали дури во јануари. На 26 март италијанската полиција го уапси 40-годишниот Алжирец, откако тој поднесе барање за дозвола за престој. На 1 април судот во јужниот италијански град Салерно го испочитува барањето на Белгија за екстрадиција, но Вали има намера да поднесе жалба против оваа одлука, рече неговиот адвокат Џерард чембало.

Споделувањето на информации е од суштинско значење при напорите за фаќање на фалсификатори, изјави во свое известување Интерпол. Кон јули 2013 година во нејзината база на податоци имаше речиси 38 милиони патни документи, за кои беше соопштено од 166 земји, што се изгубени или украдени – ова е последната достапни информации.

Бројни заштити се вградени во американските и европските пасоши, кои се највредните документи за секој кој се обидува да се протне во ослободената од гранична контрола на Шенген зоната или да се прибере тајно од места како Сирија. Пасошите на Европската унија имаат дополнителна вредност за оние кои го крстосуваат континентот – една се повеќе распространета тактика, бидејќи не се потребни визи.

Никој пасош – главниот документ за идентификација – не е целосно заштитена од фалсификување покрај холограмите врз страниците со идентитетот, комплексните водени жигови и биометриските податоци содржани во вградените чипови.

Пензионираниот судија за борба против тероризмот Брјугиер рече дека фалсификаторите на документи дејствуваат како дел од надворешниот круг на терористичките операции – “луѓе кои до одреден степен или малку или најверојатно воопшто не се вклучени во операцијата”, но кои обезбедуваат логистичка поддршка како “пример скривалиште, кола, лажни документи, без да се директно поврзани со проектот “.

“Има луѓе кои се среќаваат од време на време”, рече Брјугиер. “А потоа: Можеш ли да ми помогнеш? Имам потреба од фалсификувани документи.”